by Prashant

Prashant V Shrivastava
Prashant V Shrivastava

Ek shaam, ek khwaab, aur thodi se fursat

Aa jana kabhi – dono -, baithhenge der tak

 

Koi bahaana karke, tum zulfeiN khol dena

Tumse meri or chale, ye hawaa se bol dena

Siharan si mere kaanon pe fir hogi der tak

Aa jana kabhi – dono -, baithhenge der tak

 

Badi lambi saari baatein, kehni hai hasrat se

Tum bas jawaab dena, palkoN ki harqat se

Bas aankhoN pe rakhene, hum nazareiN der tak

Aa jana kabhi – dono -, baithhenge der tak

Your thoughts on this post