Prashant V Shrivastava
Prashant V Shrivastava

Jaane younhi yaad aa gaye

wo mausam wo lamhe

ek waqt tha hum bhi kabhie

deewane hua karte the

 

Nazaron ki halchal mein chhupe

aadaab hote the

ZulfoN ki chhaon mein mausam,

shaadaab hote the

Phoolon kaliyon se mehke huye

afsaane hua karte the

ek waqt tha hum bhi kabhie

deewane hua karte the

 

Unki jhalak ki khaatir hum

raahoN mein bhatakte the

kabhi bhanware peechhe hote the,

kabhi kaante ulajhte the

Ummeedon ki duniyaa ke kahaan

thhikaane hote the

ek waqt tha hum bhi kabhie

deewane hua karte the

Your thoughts on this post